လူတိုင်းဟာချမ်းသာချင်ကြတယ်၊ ဒါပေမဲ့ များသောအားဖြင့် ဒုက္ခတွေနှင့် ပြည့်နေကြတယ်။ ပဋိသန္ဓေ နေရတဲ့ဒုက္ခကိုတော့ မှန်းဆပြီးမှဘဲသိနိုင်တယ်။ အိုဒုက္ခ၊ နာဒုက္ခ၊ သေဒုက္ခတွေအပြင် ချစ်တဲ့သူနှင့်အတူမနေရတဲ့ဒုက္ခ၊ မချစ်ခင် မနှစ်သက်သူတွေနှင့် ပေါင်းသင်းဆက်ဆံရတဲ့ ဒုက္ခ၊ အခြံအရံနည်းတဲ့ ဒုက္ခ၊ ရှိဒုက္ခ၊ မရှိတဲ့ဒုက္ခ၊ ဆာလောင်တဲ့ ဒုက္ခ၊ အစားများသွားလို့ ခံစားရတဲ့ ၀ဒုက္ခလဲရှိသေးတယ်။
ဒုက္ခတွေကြားထဲမှာ နေကြရတဲ့အခါမှာ အချင်းချင်း မေတ္တာလေးနှင့် ဆက်ဆံ နိုင်မှ နည်းနည်းချမ်းသာမယ်။ မာန်မာနတွေထားမယ်၊ ပြိုင်မယ်ဆိုင်မယ် မနာလိုစိတ်ဓါတ်တွေ ရှိကြမယ်ဆိုရင်တော့ မချမ်းသာနိုင်ဘူး။ တဦးနှင့် တဦးချစ်ချစ်ခင် ရှိသင့်တယ်။
ချစ်တယ်ဆိုပေမဲ့ အချစ်တတ်ဖို့လဲ လိုသေးတယ်။ ချစ်တဲ့နေရာမှာ တရား လေးနှင့်တွဲပြီး ချစ်တတ်ရင်တော့ ငြိမ်းချမ်းတယ်တဲ့။ ကိုယ့်သားသမီးကို ချစ်ရင်လဲ တရားလေး နှင့် ချစ်တတ်ဖို့လိုအပ်တယ်။ သားသမီးတွေနှင့် ပတ်သက်ပြီးတော့ ကိုယ့်မှာ ကုသိုလ်တွေ တိုးနေစေရမယ်ပေါ့။ ဘယ်သူ့ကိုဘဲ ချစ်ချစ် ခင်ခင် တရားလေးနှင့် တွဲပြီးတော့ ချစ်တတ်ရင် ကုသိုလ်ဖြစ်စေတယ်။
ဆရာတော်က ဥပမာပေးကောင်းလိုက်တာ ကြောင်လေးကို ချစ်တာတောင်မှ ချစ်တတ်မှတဲ့ ချစ်တယ်ဆိုပြီးတော့ သူအိပ်နေတုံးမှာ သွားကောက်ချီရင်တော့ စိတ်ဆိုးပြီး တော့ လက်သဲနှင့် ပြန်အကုတ်ခြစ်ခံရလိမ့်မယ်တဲ့။ ယပင့်နှင့် မချစ်တတ်ရင် ယရစ်နှင့် အချစ်ခံရတတ်တယ်ပေါ့။
ဒူးရင်းသီး ဆူးတွေနှင့် အနံ့ကမွှေးကြိုင်နေတော့ စားချင်ဇောနှင့် လက်သီးနှင့် ထိုးခွဲရင် ကိုယ့်လက်ဘဲနာလိမ့်မယ်။ ဓါးမ နှင့် သေချာခွဲမှ ရသလိုဘဲ လူ့ဒုက္ခကိုလဲဘဲ တရားဓမ္မနှင့် တွဲပြီးတော့ ခွဲတတ်ရမယ်။
မေတ္တာတရားကတော့ ကိုယ့်အတွက်တင်မကဘူး သူတပါးအတွက်ပါ ထည့် တွက်တယ်။ လောကမှာ စီးပွါးရှာတာတောင်မှ မေတ္တာလေးဖက်တော့ နှစ်ဦးနှစ်ဖက် ချမ်းသာ တယ်။ ပစ္စည်းရောင်းဝယ်တဲ့နေရာမှာ ကိုယ်ကျိုးဘဲ ကြည်မယ် သူတပါးအတွက် မစဉ်းစားဘူး ဆိုရင် ဆေးလဲ အတုရောင်းတာဘဲ၊ ပျားရည်လဲ အတု၊ သင်္ကန်းတောင်မှ အတုရောင်းရဲကြ တယ်။ ခုခေတ်များ ဆေးပြားတွေ အရောင်းအ၀ယ် လုပ်လိုက်ကြတာ ရည်ရှည် လူငယ်တွေ အညွန့်တုံးမှာကို လုံးဝ ထည့်မစဉ်းစားကြတော့ဘူး။
ဥာဏ်ရှိသူများကျတော့ မေတ္တာဦးစီးပြီးလုပ်ကြတယ် ၊ ရုံးအလုပ်ဘဲဖြစ်စေ ငါနှင့်ပတ်သက်တဲ့သူမှန်သမျှ ချမ်းသာကြပါစေဆိုတဲ့ စေတနာပါတယ်။ ဒီတော့ နှစ်ဦးနှစ်ဖက် ချမ်းးသာတာပေါ့။
အားလုံး အပေါ်မေတ္တာထားနိုင်ပါစေ။
Subscribe to:
Post Comments (Atom)
No comments:
Post a Comment